पर्यटक कुट्ने माओवादी प्रहरी हिरासतमा

चन्दा नदिएको निहुँमा पर्यटकमाथि कुटपिट गर्ने दुई माओवादी कार्यकर्तालाई प्रहरीले पक्राउ गरेको छ। माओवादीको कुटपिटबाट घाइते भएका स्विस पर्यटक जेन्नेरिट स्टिभले प्रहरीसमक्ष उजुरी दिएपछि जिल्ला प्रहरी कार्यालय कास्कीको एक टोलीले शुक्रबार बिहान माओवादी कार्यकर्ता राजेश लम्साल 'अचल� र विजय विकलाई पक्राउ गरेको हो।

राउन्ड अन्नपूर्णको पदयात्रा सकेर पोखरातर्फ आउँदै गर्दा ती दुई माओवादी कार्यकर्ताले आफूलाई कुटपिट गरेको स्टिभले प्रहरीलाई दिएको उजुरीमा उल्लेख छ। माओवादीले चन्दा माग्दै मलाई रोके।


मलाई माओवादी मन पर्दैन र चन्दा दिन्न भनेँ। दुवैले समातेर लट्ठीले हाने, धेरै पटक हानेपछि म फुत्किएर भागेँ। मेरो बायाँ खुट्टा, हात र टाउकोमा चोट लागेको छ� -माओवादीको कुटाइबाट घाइते भएका ३१ वर्षीय स्टिभले प्रहरीलाई दिएको उजुरीमा उल्लेख छ।

उता पक्राउ परेका माओवादी कार्यकर्ताले पर्यटकले हात हालेपछि प्रतिकार गरिएको पत्रकारसमक्ष बताए। राउन्ड अन्नपूर्णको पदयात्रा सकेर फर्कने क्रममा पर्यटकसँग चन्दाका लागि अनुरोध गर्यौं। चेकपोस्ट भएकाले उनीसँग रसिद हेर्न खोज्यौं तर नबोलीकन चेकपोस्ट पार गरे�, माओवादी कार्यकर्ता लम्सालले भने -ँगाइडलाई राखेपछि पर्यटक रातो र पिरो बन्दै फर्केर साथीलाई समात्न थाले, मैले नसमात्न आग्रह गर्दा लात्तीले हानेपछि प्रतिकार गरेका हौं।� दाउराले हिर्काएको भनाइ झूट रहेको उनले बताए।



दुई मिनेट हात हालाहाल भयो�, उनले भने- ँजुन प्रचार गरिएको छ त्यो सरासर गलत हो।�प्रहरीले उनीहरूलाई कास्कीको दाङसिङ गाविसस्थित लामदुवालीबाट पक्राउ गरेको हो। उक्त स्थान वीरेठाँटीबाट करिब ६ किलोमिटर उत्तर-पश्चिममा पर्छ। कास्कीको घाचोक-४ का लम्साल र रिभान-५ का विक माओवादीको इलाका नं १४ का पार्टी सदस्य हुन्।


स्विस पर्यटकस्टिभले उजुरीमा सो घटनाको छानबिन गरी कारबाहीको माग गरेको जिल्ला प्रहरी कार्यालय कास्कीका प्रहरी उपरीक्षक रमेशकुमार भट्टराईले बताए। सनाखतको आधारमा उनीहरूलाई मुद्दा चलाउँदै कारबाहीको प्रक्रिया अगाडि बढाइएको छ� -उनले भने। नेकपा (माओवादी) ले पदयात्राको सिजन शुरू हुनेबित्तिकै पर्यटकसँग चन्दा असुल्दै आएको छ। अन्नपूर्ण पदयात्राअन्तर्गत माओवादीले आधा दजर्न ठाउँमा चेकपोस्ट राखेर पर्यटकसित स्वैच्छिक� भन्दै चन्दा उठाइरहेको छ।