भोली सम्ममा सात दलबिच सहमती जुट्नेमा प्रचण्डको दावि

माओवादी अध्क्षय प्रचण्डले भोली सम्ममा राजनीतिक गतिरोधको अन्त्य भई सातदलबिच सहमती जुट्ने दावि गर्नुभएको छ ।

दलहरुबिचको अडान निश्चेत पार्ने सहमतीको प्रयास भई रहेका बेला प्रचण्डले भोलि सम्ममा नँया राजनीतिक आधार बन्ने आशा व्यक्त गर्नु भयो । मधेषी मुक्ति मोर्चाको घोषणा सभामा सहभागी हुन जनकपुर जाने क्रममा आज बिहान हेटौडा र गौरमा संचारकर्मीइ संग कुरा गर्दै प्रचण्डले भन्नु भयो । " मुलुकलाई निकाश दिन सात दलबिच दुई पक्षिय र बहुपक्षिय वार्ता भईरहेको छ । लामो समयस् सम्मको गतिरोध सम्भवत भोली टुङ्गिने छ ।"

उँहाले नेपाली काँग्रेस गणतन्त्र घोषणा र समानुपातीक निर्वाचन प्रणालीमा लचिलो बन्दै गएको दावि पनि गर्नुभयो । प्रचण्डले बिभिन्न राजनीतिक दल र मन्त्रि मण्डलबाट मधेषीदल बाहिरिनुलाई रहस्यम भनि टिप्पणी गर्नुभयो ।
विभिन्न राजनीतिक दल र मन्त्री मण्डलबाट मधेशी नेताहरु अलग भएको विषयमा टिप्पणी गर्दै प्रचण्डले भन्नुभयो, भुगोल र जातका आधारमा पार्टी गठन गर्नु राम्रो होइन । मधेशी नेताहरुले सरकार र सदनबाट राजीनामा दिनुले भ्रम र जिज्ञासा पैदा भएको उल्लेख गर्दै प्रचण्डले संसदमा आउन र आवाज उठाउन सकिने अवस्था रहँदारहँदै पनि पछि हट्नु रहस्यमय भएको बताउनुभयो ।
पत्रकारहरुको जिज्ञासाको उत्तर दिंदै अध्यक्ष प्रचण्डले राजा नजिकका राष्ट्रवादीसँग सहकार्य गरेर अघि बढ्नुपर्ने भनी केहीदिन अघि आफूले दिएको अभिव्यक्ति सोचेरै दिएको बताउनुभयो । उहाँले नेपाली कंग्रेस अहिले केहि लचिलो भएर प्रस्तुत भएकाले यहि महिना भित्र राजनीतिक निकाश निस्कने पनि जिकिर गर्नुभयो ।
माओवादी जनसेना शिविरको व्यवस्थापन, बेपत्ताहरुको खोजी र राहत, घाइतेहरुको उपचारलगायतका विषयमा सरकार सकारात्मक देखिएको पनि प्रचण्डले जानकारी दिनुभयो ।