त्रिविविमा फेरि तोडफोड र पर््रदर्शन

काठमाडौं, मंसिर २६ - खुला प्रतिस्पर्धा माग्दै आन्दोलनरत विद्यार्थीले बुधबार त्रिभुवन विश्वविद्यालय, केन्द्रीय कार्यालयमा पर््रदर्शन र तोडफोड गरेका छन् ।
आंशिक प्राध्यापकहरूलाई स्वतः स्थायी र करार प्रक्रिया रोकेर सेवा आयोग खुला गर्नुपर्ने माग पूरा गराउन त्रिवि पदाधिकारीको कार्यकक्षमा लगाएको ताला प्रशासनले तोडेपछि विद्यार्थी थप आक्रोशित भएका हुन् । त्रिवि उपकुलपति, रेक्टर र रजिष्टार कार्यालयमा विद्यार्थीले मंसिर २ गतेदेखि अनिश्चितकालीन तालाबन्दी गरेका थिए ।
बुधबार सयौं विद्यार्थीले विश्वविद्यालयको मुख्य प्रवेशद्वार अगाडि टायर बालेर पर््रदर्शन गरे । पर््रदर्शनले गर्दा तीन घन्टासम्म त्यस क्षेत्रको आवागमन प्रभावित भयो ।
विश्वविद्यालयको मर्यादा र शैक्षिक गुणस्तरका लागि खुला प्रतिस्पर्धाका आधारमा मात्र प्राध्यापक भर्ना गर्नुपर्ने अडान राख्दै त्रिवि विद्यार्थी संर्घष्ा समितिले माग पूरा नभएसम्म आन्दोलन जारी राख्ने बताएको छ । त्रिवि सेवा आयोगले रिक्त दरबन्दी पूरा गर्न वर्षौंदेखि विज्ञापन नखोलेकाले आंगिक क्याम्पसहरूले आंशिक शिक्षकलाई पढाउन लगाउ“दै आएका छन् ।
यसअघि दैनिक ज्यालादारीमा काम गरेका आंशिक शिक्षकहरूले स्वतः स्थायी गर्नुपर्ने माग गर्दै आमरण अनशन गरेका थिए । सरकारले उनीहरूस“गको सम्झौताअनुसार करार प्रक्रिया सुरु गरेपछि विद्यार्थीले आन्दोलन थालेका हुन् । आंशिकलाई करारमा राख्दा नया“ पुस्ताका योग्य व्यक्तिहरूका लागि सेवा प्रवेशको ढोका बन्द हुने उल्लेख गर्दै आन्दोलनकारी विद्यार्थीले खुला प्रतिस्पर्धाबिना कसैलाई नियुक्ति नगर्न चेतावनी दिएका छन् ।
यसैबीच त्रिवि उपकुलपति प्रा.डा. माधव शर्माले आयोग खुला गर्न आफू तयार रहेको बताएका छन् । 'हामी त्रिवि ऐन-नियमभन्दा बाहिर जा“दैनौं,' उनलेे भने- 'आजैबाट आयोग खुलेको छ । प्रतिस्पर्धाको ढोका बन्द हु“दैन ।'
अघिल्लो सरकारले र आंशिक शिक्षकबीच प्रक्रिया पुर्‍याएर उनीहरूलाई -आंशिकलाई) स्थायी गर्ने सहमति भएको जनाउ“दै उपकुलपति शर्माले भने- 'विधिभन्दा बाहिर जा“दैनौं ।' उनले आन्दोलनरत विद्यार्थीस“ग वार्ताका लागि तयार भएको बताए ।