क्रान्तिकारीको सम्मेलन सुरु

काठमाडौँ, मङ्सिर २८ गते । अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) काठमाडौँको क्याम्पस जिल्ला सम्मेलन शुक्रबार सुरु भएको छ । सम्मेलनको उद्घाटन समारोहमा नेकपा (माओवादी)का केन्द्रीय सदस्य लोकेन्द्र विष्ट मगरले संसद्बाट पारित गणतन्त्र र समानुपातिक निर्वाचन प्रणालीको प्रस्ताव सरकारले कार्यान्वयन गर्नैपर्ने बताउनुभयो । देश टुक्रा-टुक्रा बन्ने खतरा बढ्दै गएको बेलामा राष्ट्रवादीबीच एकता अपरिहार्य बनेको उहाँले बताउनुभयो तर यस्तो एकता राजावादीसित भने हुन नसक्ने पनि उहाँले प्रस्ट गर्नुभयो । नेकपा (माओवादी) नेवाः राज्य समितिका सदस्य चन्द्रबहादुर थापा 'सागर'ले युवा विद्यार्थीलाई सामेल गरेर मात्र नेपाली क्रान्ति सफल हुने बताउनुभयो ।