अमेरिकाले गर्‍यो गोप्य पत्राचार

अमेरिकाले पहिलो पटक नेपालका माओवादीलाई औपचारिक सम्बोधन गरेर गोप्य पत्राचार गरेको छ। अमेरिकी चाहनाकै कारण सो पत्र माओवादीले पनि र्सार्वजनिक गर्न नरुचाएको पाइएको छ।
माओवादीका विदेश विभाग प्रमुख सीपी गजुरेलले बुधबार भन्नुभयो- हामीले पत्र पाएका छौं तर पत्र गोप्य राख्ने सहमति भएकाले म त्यसको पूर्ण विवरण सार्वजनिक गर्न चाहन्नँ।�उहाँले यति भन्दाभन्दै पनि पत्र अमेरिकी राजदूत नान्सी जे पावेलले माओवादीका प्रवक्ता कृष्णबहादुर महराको नाममा पठँएको जानकारी दिनुभयो।
यसअघि कुनै पनि सम्बन्ध थिएन तर यसपालि पहिलो पटक अमेरिकाले माओवादीलाई सम्बोधन गरेर पत्र पठाएको हो� -गजुरेलको भनाइ थियो। उहाँले अमेरिकी नीतिमा माओवादीप्रति सामान्य परिवर्तन भएको संकेत र नेपालकै राजनीतिक स्थितिको चर्चा पत्रमा भएको जानकारी दिनुभयो। अमेरिका केही सकारात्मक भएको संकेत पाइसकेका छौं। तीन जना माओवादी सांसदलाई अमेरिकाको भिसा दिइनु यसको संकेत हो� -गजुरेलले भन्नुभयो।
उक्त पत्र दुई महिनाअघि नै पाए पनि अमेरिकी दूतावासको चाहनाअनुसार नै हालसम्म प्रसंग नउठाइएकोसमेत उहाँले बताउनुभयो। अमेरिकी राजदूतसँग औपचारिक कुरा भएको छैन तर अनौपचारिक रूपमा भइरहेको छ� -गजुरेलको भनाइ थियो। अमेरिकाले लामो समयदेखि माओवादीलाई आतंककारीको सूचीमा राख्दै आएको छ।
पावेलअघिका अमेरिकी राजदूत जेम्स एफ मोरीआर्टर् माओवादी नसुध्रेसम्म उनीहरूसँग हात नमिलाउने भन्दै कडा आलोचना गर्दै आउनुभएको थियो। उहाँ कार्यकाल सकेर र्फकने बेलासम्म माओवादीको आलोचना गर्दै आउनुका साथै कुनै सर्म्पर्कसमेत गर्नुभएको थिएन। तर नयाँ अमेरिकी राजदूत आएपछि माओवादीको आलोचना गर्नुभएको छैन।