नेपाली कांग्रेसभित्रको एउटा शक्तिशाली समूहले सातदलभित्र सहमतीको खोजीमा जुटेको नेतृत्वलाई महासमिति बैठकको निर्णय विपरीत कुनै सहमति नगर्न चेतावनी दिएको छ।
बीपी चिन्तन प्रतिष्ठानले शनिवार आयोजना गरेको 'लोकतन्त्रमाथिको खतरा र त्यसको निराकरण' विषयक विचार गोष्ठीमा उनीहरुले महासमितिको निर्णय बाहिर गई सहमति गरिए त्यसले देशलाई ठूलो संकटमा धकेल्ने धारणा व्यक्त गरेका थिए।
नेपाली कांग्रेसको महासमितिले संविधानसभाको पहिलो बैठकले राजसंस्थाको बारेमा निर्णय गर्ने, मिश्रित चुनाव प्रणाली अपनाउने र पार्टी गणतन्त्रमा जाने निर्णय गरेको थियो।
नेकपा एमाले र नेकपा माओवादीले अन्तरिम संसदको विशेष अधिवेशनबाट पारित गराएको गणतन्त्र र पूर्ण समानुपातिक निर्वाचन प्रणालीको प्रस्ताव लागु गर्ने विषयमा कांग्रेस नेतृत्व सहमतिको निम्ति सक्रिय रहेका बेला यस्तो दबाब आएको छ।
तर, नेपाली कांग्रेसका कतिपय नेताहरुले उक्त प्रस्ताव संविधान विपरीत भएको भन्दै लागू गर्ने बाध्यता नरहेको तर्क गरेका छन्।
Subscribe to:
Post Comments (Atom)
No comments:
Post a Comment