चार सांसदको सदस्यता स्वतः समाप्त

काठमाडाँ, मङ्सिर २४ गते । सरकार, व्यवस्थापिका संसद् र पार्टी सदस्यताबाट समेत राजीनामा दिएका चारजना सांसदको संसदीय सदस्यता स्वतः समाप्त भएको छ । अन्तरिम संविधानको व्यवस्थाअनुसार व्यवस्थापिका संसद्का कुनै सदस्यले त्यस पदबाट राजीनामा दिएपछि निज पदमुक्त हुने व्यवस्था छ । आइतबार दिउँसो व्यवस्थापिका संसद्का सदस्यहरू महन्थ ठाकुर, हृदयेश त्रिपाठी, महेन्द्र्रप्रसाद यादव र रामचन्द्र रायले संसद् सदस्यबाट राजीनामा पेस गर्नुभएको थियो । आफूसमक्ष पेस भएको राजीनामा र्सार्वजनिक नगरी सभामुख सुवास नेम्वाङले उहाँहरूलाई आफ्नो निर्ण्र्ााा पुनर्विचार गर्न आग्रह गर्नुभएको थियो ।

दिउँसो २ः३० बजेतिर ती सांसदहरू आफैँले पत्रकार सम्मेलनमार्फ राजीनामा दिएको घोषणा गरेपछि मात्रै अर्थात् राजीनामा दिएको घोषणा गरेपछि मात्रै अर्थात् ३ः०० बजेतिर मात्र सभामुखले राजीनामा आएको स्वीकार गर्दै र्सार्वजनिक रूपमा बोल्नुभएको थियो । "मैले पुनर्विचार होला भन्ने ठानेर आग्रह गरेको थिएँ", सभामुख नेम्वाङले चारजना सांसदको राजीनामा गरेको जिज्ञासामा भन्नुभयो, "उहाँहरूले राजीनामा दिनु परेको परिस्थितिमा गम्भीर र दुःखद हो । कारणहरूसम्बन्धमा राज्य, सम्बन्धित दल र हामी सबैको ध्यान जानर्ुपर्छ ।" "मैले उहाँहरूसँग पनि यही आग्रह गरेको थिएँ", साँझ गोरखापत्रसँग सभामुखले भन्नुभयो ।

राससका अनुसार सभामुख नेम्वाङले केही दिनभित्र नै राजनीतिक निकास निस्कने बताउनुभएको छ । उनान्साठीऔँ अन्तर्रर्ााट्रय मानवअधिकार दिवसका अवसरमा प्रधानमन्त्रीद्वारा सोमबार यहाँ आयोजित जलपान समारोहमा सञ्चारकर्मीसँग कुराकानी गर्दै उहाँले उक्त कुरा बताउनुभएको हो । यसैगरी सोही समारोहमा नेकपा -एमाले)का महासचिव माधवकुमार नेपालले मुलुकमा विद्यमान समस्याको समाधान गर्न राजनीतिक दलहरूबीच भइरहेको वार्ता सकारात्मक रूपमा अघि बढेको बताउनुभयो ।

सरकारको प्रभावकारिताको आवश्यकता महसुस गरिएको प्रसङ्ग चर्चा गर्दै उहाँले जनताको माग पनि यही छ भन्नुभयो । मुलुकका समस्या समाधान गर्न सरकार सक्रिय रहनुपर्छ भन्दै महासचिव नेपालले बताउनुभयो, "जनताको पीडा र सुरक्षालाई सरकारले ध्यान दिनुपर्छ ।" सञ्चारकर्मीहरूद्वारा सोधिएको एक प्रश्नको जवाफमा उहाँले सङ्गठन बनाउने अधिकार सबै राजनीतिक दललाई रहेको पनि बताउनुभयो ।