तत्काल सहमति नभए बिद्रोह गर्छौः प्रचण्ड

१३ डिसेम्बर, ०७ । नेकपा माओवादीका अध्यक्ष प्रचण्डले तत्काल सहमति नभए आफ्नोपार्टी शान्तिपूर्ण आन्दोलनमा जाने चेतावनी दिनुभएको छ ।आज बिहान जनकपुरमा आयोजीत पत्रकार सम्मेलनमा बोल्दै प्रचण्डले मधेशमा नयां दल खोल्ने पछिल्लो प्रयासलाई रहस्यमय भन्दै मधेशी जनतालाई अधिकारबाट वञ्चित गर्ने खोजेको बताउनु भएको छ । उहाँले मधेशको अधिकारका लागि आफूहरु सक्रिय रुपमा लागेको दाबी गर्दै नयां समूह र व्यक्तिहरु फाइदा लुट्न अगाडि बढेको आरोप लगाउनुभयो । प्रचण्डले नेपाललाई अफगानिस्तान र इराक बनाउन लागेको आरोप लगाउँदै यसलाई सबै पक्षले बुझेर प्रतिवाद गर्नुपर्ने बताउनु भयो । प्रचण्ड आज अपराहन्ह राजधानी फरकदै हुनुहुन्छ ।