शिवपुरीमा बेपत्ताको चिहान भएको आशंका

दीपक रिजाल (काठमाडौं)सशस्त्र द्वन्द्वका क्रममा सेनाको भैरवनाथ दल गणबाट बेपत्तँ बनाइएका आस्थाका बन्दीलाई हत्या गरी शिवपुरी जंगलमा लगेर गाडिएको आशंकामा उक्त जंगल क्षेत्रमा आज बिहीबार उत्खनन गरिने भएको छ। आज उत्खनन गरिनेउक्त गणबाट चार वर्षघि सन् २००३ मा ४९ जना बन्दी बेपत्तँ भएका थिए। उनीहरूलाई कहाँ लगियो भन्ने कुरा औपचारिक ढंगबाट नखुलिरहेको अवस्थामा विदेशमा रहेका एक पूवसैनिकले त्यतिबेला थुनामा रहेकालाई शिवपुरी जंगलमा लगेर गाडिएको र केहीलाई पोलिएको सूचना दिएपछि बुधबार राष्ट्रिय तथा अन्तर्राष्ट्रिय मानवअधिकारवादी र सांसदसमेतको टोली सो क्षेत्रमा गएको थियो। आज उत्खननका क्रममा मानवशास्त्रीहरूको विशेषज्ञ टोली पनि लगिने भएको छ।शिवपुरीस्थित नेपाली सेनाको ब्यारेकनजिकैको अल्लीको जंगलमा २ सय मिटर लम्बाइ र ३० मिटर चौडा खाल्डो पुरेको अवस्थामा फेला पारेकाले राष्ट्रिय मानवअधिकार आयोग, विभिन्न राष्ट्रिय तथा अन्तर्राष्ट्रिय मानवअधिकारवादी संस्था तथा संसद्को मानवअधिकार तथा सामाजिक न्याय समितिले उक्त ठाउँको अवलोकन गरी सुरक्षा गर्न प्रहरीलाई निर्देशन दिएको छ।शिवपुरीमा रहेको सेनाको प्रवेशद्वारबाट २ किमि उत्तरमा रहेको उक्त ठाउ“मा मारिएका भनिएका ती व्यक्तिहरूलाई गाडेको वा जलाएको हुन सक्ने आशंका आयोगले गरेको छ।खाल्डो खनिएको नजिकै रहेको खोल्सामा पोकापोका पारेर ढुंगाले थिचिएको, मोबिलको बट्टा, डढेको दाउरा र निर्जन जंगलमा अप्राकृतिक सामग्रीहरू फेला परेकाले थप रहस्य उत्पन्न भएको अधिकारकर्मी सुशील प्याकुरेलले बताउनुभयो।सो क्षेत्रको निरीक्षण गर्न बेपत्ता पारिएका आफन्तका परिवार, द्वन्द्वका क्रममा भैरवनाथ गणमा थुनामा रहेर छुटेका माओवादी कार्यकर्ता, नेपालस्थित राष्ट्रसंघीय मानवअधिकार उच्च आयोगका प्रतिनिधि, सञ्चारकर्मीलगायतका व्यक्ति सो स्थलमा पुगेका थिए।सो क्ष्ँेत्रको अवलोकन गर्न गएका बेपत्ताका आफन्तले राज्यले बेपत्ताबारेमा जानकारी नदिनुको रहस्य बल्ल खुलेको भन्दै गुनासो गरेका थिए।सशस्त्र द्वन्द्वका क्रममा राज्यका तर्फाट ६ सयभन्दा बढी र व्रि्रोहीको तर्फाट २ सय ८० भन्दा बढी नागरिकलाई बेपत्ता बनाइएको छ।हाल विदेशमा कार्यरत ती पूवसैनिकले आफूले समेत त्यसरी हत्या गरिएका व्यक्तिहरूलाई गाडेको जानकारी अधिकारकर्मीहरूलाई गराएका थिए।