'माओवादी नेतृत्वलाई भेटेको छैन'

काठमाडौं, मंसिर २ - छापामार समायोजनबारे सैनिक अधिकारी र माओवादी नेतृत्वबीच छलफल भएको भन्ने भनाइको नेपाली सेनाले खण्डन गरेको छ ।
सेनाले आफ्ना सहकर्मीको मनोबल गिराउने र विभाजन गराउन यस्ता अभिव्यक्ति आएको दाबी समेत गरेको छ ।

माओवादी अध्यक्ष प्रचण्डले मंसिर पहिलो साता चितवनमा सैनिक अधिकारीसित समायोजनका विषयमा दर्ुइ चरण छलफल भएको बताएका थिए ।

'समाचार तथा अभिव्यक्ति सेनालाई लाञ्छना लगाउने, हौसला गिराउने तथा विभाजन ल्याउन सम्प्रेषित गरिएको हुन सक्छ,' सोमबार सैनिक जनसर्म्पर्क निर्देशनालयद्वारा जारी विज्ञप्तिमा भनिएको छ- 'यस्ता अभिव्यक्तिको विश्वास नगर्न अपिल गर्र्छौं ।'

विज्ञप्तिमा समाचार तथा अभिव्यक्तिमा भनिएबमोजिम सेना समायोजनबारे नेपाली सेनाका कुनै पनि पदाधिकारी तथा माओवादी नेतृत्वबीच भेटघाट र छलफल नभएको उल्लेख छ ।

यसअघि प्रधानसेनापति रुक्मांगद कटवालले सोमबार बिहान प्रधानमन्त्री तथा रक्षामन्त्री गिरिजाप्रसाद कोइरालालाई भेटेका थिए । भारत भ्रमणबारे जानकारी दिन प्रधानसेनापतिले भेटेको सैनिक स्रोतले बतायो ।