तर्राईको अशान्तिमा भारतको हात छः

काठमाडौँ, पुस २ गते । भारतका वाम बुद्धिजीवी तथा पत्रकार आनन्दस्वरुप बर्माले नेपालको तर्राई क्षेत्रमा अहिले देखिएको अशान्तिका पछाडि भारतको हात रहेको बताउनुभएको छ । नेकपा (माओवादी) र भारत-नेपाल जनऐक्यबद्धता मञ्चद्वारा मञ्चको गठनका विषयमा जानकारी गराउन सोमबार राजधानीमा आयोजित पत्रकार भेटघाट कार्यक्रममा बोल्दै श्री बर्माले सो कुरा बताउनुभएको हो । तराइको अशान्तिबारे उहाँले भन्नुभयो, "तर्राईको ज्यादा धेरै हिस्सा भारतबाट सञ्चालित छ, यो कुरालाई तपाईँहरूले त्यति धेरै देख्नुहुन्न तर हामी देख्न सक्छौँ ।

" साथै उहाँले तर्राईमा अहिले भइरहेका घटनाले पछि पृथकतावादी आन्दोलनको रुप लिनसक्ने बताउँदै भन्नुभयो, "आउने दिनमा समयमा नै यसको पहिचान नगरे यसले दक्षिण एसियामा नै उथलपुथल ल्याउनसक्छ ।" उहाँले नेपालमा नेकपा (माओवादी)ले जनयुद्ध गरिरहेका बेला भारतीय सञ्चारमाध्यमहरूले नेपालका विषयमा गलत प्रचारप्रसार गरेकाले त्यसलाई सच्याउन तथा जनयुद्धलाई र्समर्थन गर्न सो मञ्च गठन भएको बताउनुभयो ।

भारतको जनतन्त्रको आलोचना गर्दै वाम बुद्धिजीवी बर्माले विश्वकै निरड्कुश राजतन्त्रका रूपमा रहेको भुटानको राजतन्त्रलाई पनि भारतको साथ रहेको छ, त्यस्तो जनतन्त्रलाई कस्तो जनतन्त्र भन्ने -
पत्रकारहरूले सन् १९५० को सन्धिका विषयमा राखेको जिज्ञासमा उहाँले भारत र नेपालबीच भएका १९५० लगायतका सबै पुराना सन्धिलाई नयाँ शिराबाट समीक्षा गर्नुपर्ने कुरामा जोड दिनुभयो । उहाँले विगतमा रौतहटको गौरमा भएको हत्याकाण्डमा पनि भारतीयहरूको हात रहेको आफूलाई जानकारी भएको बताउनुभयो ।

त्यस्तै भारतले नेपालको राजनीतिमा खुलेर हस्तक्षेप गरेमा भारतको मिलिजुली सरकारमा साझेदार रहेका वाम शक्तिहरूले खुलेर त्यसको विरोध गर्ने बताउनुभयो । उहाँले भन्नुभयो, "त्यहाँका वाम नेताहरूले त्यसो नगरे उनीहरू फेरि जनतासमक्ष मत माग्न जान सक्दैनन् ।" त्यस्तै नेपालको राजतन्त्र जनताको हितका लागि नभएको र यसले मौका पर्नासाथ फेरि शक्ति खोस्ने प्रयास गर्ने पनि उहाँले बताउनुभयो ।
कार्यक्रममा नेकपा (माओवादी)का नेता सुरेश आलेमगरले विगतमा नयाँदिल्लीमा मात्र सीमित रहेको सो मञ्चमा अहिले विभिन्न २५ वटा सङ्घसंस्था आबद्ध रहेको बताउनुभयो ।