चुनाव गराउनसक्ने भए प्रधानमन्त्रीको बिकल्प खोजिने

कलकत्ताबाट फर्केका एमाले महासचिव माधवकुमार नेपालले प्रधानमन्त्रीले चुनाव गराउन नसक्ने भने उनको बिकल्प खोज्ने बताएका छन् ।

एमाले महासचिव माधवकुमार नेपालले चैत महिनाभित्र संविधानसभा चुनाव गर्नसक्ने वा नसक्नेबारे प्रधानमन्त्रीले तत्काल भन्नुपर्ने बताएका छन् । भारतीय कम्युनिष्ट पार्टी मालेको राष्ट्रिय महाधिवेशनमा भाग लिएर भारतको कलकत्ताबाट आज फर्किएका नेपालले प्रधानमन्त्रीले चुनाव नसक्ने भए उनको बिकल्पबारे सोचिने पनि उल्लेख गरे । चुनाव हुननसक्नुको जिम्मेवारी प्रधानमन्त्रीले सातै दललाई लगाउन नमिल्ने पनि उनको भनाइ थियो । चुनावबारे सामूहिक निर्णय एकल जिम्मेवारीको सिद्धान्त लागू हुने नेपालले तर्क गरे ।
एमाले महासचिवले मङ्सिर २९ गते सात दलबीच सहमति भइसकेको बताए । 'त्यस दिन हस्ताक्षर हुन मात्र बाँकि थियो' नेपालले भने, 'सहमति तोडिएको भनिएको छ, त्यो ठिक भएन ।' पुष १ गते नेपाल भारतको कलकत्ता गएका थिए ।