स्वर्गीय राजा र राजपरिवारको सम्पति कम देखाएकोमा बिरोध

गृहमन्त्री कृष्णप्रसाद सिटौलाले स्वर्गीय राजा बीरेन्द्र र राजपरिवारको नाममा रहेको सम्पति कम देखाएको भन्दै संसदको राज्य ब्यवस्था समितिको बैठकमा सांसदहरुले बिरोध जनाएका छन् ।

स्वर्गीय राजा र उनको परिवारको सम्पति ट्रष्टमा राख्ने भनिएको छ । नेपाल ट्रष्ट बिधेयक पारित हुनु अघि स्वर्गीय राजा र उनको परिवारको सम्पतिबारे जानकारी हुनुपर्ने सांसदहरुको मागका कारण सिटौलाले पुष २ गते समितिमा बिवरण प्रस्तुत गरेको हुन् ।

गृहमन्त्री सिटौलाले काठमाडौ उपत्यका भित्र स्वर्गीय राजा बीरेन्द्र, ऐश्वर्य, दिपेन्द्र र निराजनको नाममा २५ रोपनी १३ आना २ पैसा १ दाम देखाएका छन् भने उपत्यका बाहिर १ बिघा १९ कठ्ठा साढे तीन धुर जमिन रहेको देखाएका छन् ।

त्यसैगरी, ऐश्वर्य, दिपेन्द्र र निराजनको नाममा स्ट्यार्न्र्डड चार्टर बैंकमा १ लाख ३७ हजार ४२७ पाउण्ड सम्पति रहेको, त्यमध्ये १ लाख पाउण्ड कुनै बेलायती कम्पनिमा सारिएकाले बाँकी मध्ये थपघट हुँदै ४१ हजार ७१४ पाउण्ड 'डिपार्टमेन्ट अफ रोयल ट्रेजर्र' को नाममा रहेको गृहमन्त्री सिटौलाले बताउनु भयो । उहाँले अगाडि भन्नु भयो स्वर्गीय राजा र उनको परिवारको नाममा रहेको अरु सम्पतिको खोजी हुँदैगरेको बताउनु भयो ।