विस्थापितलाई २० करोड

१५ डिसेम्बर, ०७ । सरकारले द्वन्द्वको क्रममा विस्थापित भएकाहरूलाई राहत स्वरूप विभिन्न जिल्लामा २० करोड रुपैयाँ विनीयोजन गरेको छ ।

व्यवस्थापिका संसद, अर्थ समितिको आजको बैठकमा शान्ति तथा पुनःनिर्माणमन्त्री रामचन्द्र पौडेलले ७३ जिल्लाको लागि २० करोड रुपैयाँ पठाइसकेको जानकारी दिएका छन् ।
रकमको दुरूपयोग नहोस् भनेर प्रमुख जिल्ला अधिकारीहरूलाई यसको जिम्मा दिइएको मन्त्री पौडेलले बताए ।
दाताहरूसँग थप सहयोग रकमबारेमा कुराकानी भइरहेको जानकारी गराउँदै अर्थ समितिका अन्य सदस्य सांसदहरूले उठाएको प्रश्नको जवाफमा मन्त्री पौडेलले द्वन्द्वका समयमा ध्वस्त भएका संरचनाको पुनःनिर्माण गर्न तथ्यांक संकलनको काम भइरहेको जानकारीसमेत दिएका छन् ।