गोलमेच सम्मेलनबाट आएको निर्णय माओवादीलाई स्विकार्य हुन्छ : महरा

नेकपा माओवादीका प्रवक्ता कृष्ण बहादुर महराले संविधानसभा निर्वाचन प्रणाली तय गर्न गोलमेच सम्मेलन गर्नुपर्ने बताउनुभएको छ ।
रौतहटको गौरमा आज बिहान आयोजित पत्रकार सम्मेलनमा महराले गोलमेच सम्मेलनबाट आएको निर्णय माओवादीलाई स्विकार्य भएको बताउनुभयो ।
गणतन्त्रको घोषणा संविधानसभाबाट गर्नेमा माओवासीमाओवादी सहमत रहेपनि निर्वाचन प्रणालीमा भने पुर्ण समानुपातीक नै हुनुपर्ने माओवादी प्रवक्ता महराले बताउनुभयो ।
विदेशी हस्तक्षेपका कारण मुलुकको स्वाधिनता खतरामा परेकोमा चिन्ता व्यक्त गर्दै महराले दलहरु विदेशी चलखेलमा फसेको टिप्पणी गर्नुभयो । मुलुकमा दण्डहिनता मौलाएको उल्लेख गर्दै माओवादी प्रवक्ता महराले संचारमाध्यमले राष्ट्रिय स्वाधीनताको रक्षाका लागी ध्यान दिनुपर्ने बताउनुभयो ।