संसदबाट गणतन्त्र घोषणा गरिनु पर्ने - देउवा

नवलपरासी, २१ मङ्सिर । नेपाली काङ्ग्रेसका नेता एवम् पुर्व प्रधानमन्त्री शेरबहादुर देउवाले संसदबाट गणतन्त्र घोषणा गरिनु भनेको जनताको अधिकार खोस्नु हो भन्नुभएको छ । उहाँले आज नवलपरासीमा पार्टी कार्यकर्ता भेटघाट कार्यक्रममा बोल्दै भन्नुभयो-जनताको अधिकार संसदले खोस्नु भनेको सहिदको रगतमाथि रजाइँ गर्नु हो । नेता देउवाले राजतन्त्रबारे संविधानसभाको पहिलो बैठकले टुङ्गो लगाउने बताउनुभयो । सो अवसरमा नेपाली काङ्ग्रेसका युवा नेता एवम् पुर्व राज्यमन्त्री एनपी साउदले माओवादीले राजालाई बचाउन खोजेकाले काङ्ग्रेस र्सतर्क रहनुपर्ने धारणा राख्नुभयो । नेपाली काङ्ग्रेस, नवलपरासीका सभापति कृष्णचन्द्र नेपालीले काङ्ग्रेसले एक भएर जनताका चाहनाअनुरूप लोकतान्त्रिक गणतन्त्रको बाटो रोजेको बताउनुभयो ।