फेरि चामल कुहियो

सिमकोट -हुम्ला, मंसिर २ - राष्ट्रसंघीय विश्व खाद्य कार्यक्रमले हिल्सा-सिमकोट मोटर बाटोका लागि उपलब्ध गराएको ५ सय ६८ क्विन्टल खाद्यान्न कुहिएको छ । उक्त खाद्यान्न खाएर ५२ वटा पशुसमेत मरेका छन् ।
ढुवानी ठेकेदार, स्टोरकिपर र उपभोक्ता समितिबीच समन्वय नभएकाले भिज्न पुग्दा उक्त खाद्यान्न कुहिएको हो ।

जिल्ला विकास समितिको र्सवदलीय समितिबाट हिल्सामा अनुगमन गर्न पठाइएको र्सवदलीय टोलीका अनुसार ४ सय १८ क्विन्टल खाद्यान्न ठेकेदारबाट उपभोक्ता समिति र स्टोरकिपरले बुझिसकेपछि तथा १ सय ५० क्विन्टल ठेकेदारले बुझाउनुअघि नै कुहिएको हो ।

कुहिएको खाद्यान्न तिब्बतको शेरगाउ“स्थित डा“डामा छरिएको र गन्धले बाटो हि“ड्नसमेत अप्ठ्यारो भएको टोलीका संयोजक सुनामसिं गुरुङले बताए । कुहिएको उक्त खाद्यान्न खाएर ५२ वटा पशु मरेको जानकारी पनि उनले दिए । 'मरेकामा तिब्बततर्फशेरगाउ“का बासिन्दाका ५० वटा बाख्रा र नेपालीका २ वटा गधा छन्,' उनले भने । उपभोक्ता समिति अध्यक्ष छेपालदोर्जे लामाका अनुसार कुहिएको खाद्यान्न बायोग्यासमा प्रयोग गर्न तिब्बतका बासिन्दाले ५ वटा ट्रकमा लगेका थिए । उपभोक्ता समिति र स्टोरकिपरले बुझ्नुअघि कुहिएको खाद्यान्न प्रतिकिलोग्राम २६ रुपैया“का दरले ठेकेदारबाट नगद लिएर बाटो खन्ने व्यक्तिलाई वितरण गरिएको थियो ।

बाख्रा मरेका तिब्बतीले क्षतिपर्ूर्ति पाउनुपर्ने दाबी गरेका छन् । तिब्बत आवतजावत गर्ने नाराको लेकमा हिउ“ परी बाटो बन्द भएकाले खुल्नेबित्तिकै जिविसमा क्षतिपर्ूर्ति दाबी गर्ने तयारी उनीहरूले गरेको संयोजक गुरुङले बताए ।

२०५४ सालको भोकमरीस“गै फैलिएको रोगले ४ सयभन्दा बढीको ज्यान गएपछि दर्ीघकालीन र अल्पकालीन विकासका लागि हिल्सा-सिमकोट मोटर बाटो निर्माण गर्ने र त्यसबापत खाद्यान्न उपलब्ध गराउने काम हु“दै आएको छ । यही योजनालाई सघाउन संयुक्त राष्ट्रसंघीय विश्व खाद्य कार्यक्रमले यो बाटोका लागि बर्सर्ेे ३ सय मेटि्रक टन खाद्यान्न उपलब्ध गराउ“दै आएको छ ।

जिविसले ३० किलोमिटर बाटो निर्माण भइसकेको बताउ“दै आएको छ । यो वर्षहुम्लाको अन्तिम गाउ“ यारीसम्म मोटर गुडाउने लक्ष्य निर्धारण गरेको थियो तर धेरै वषर्ा र खाद्यान्न कुहिएकाले यो लक्ष्य पूरा नभएको जिविसले जनाएको छ ।