पत्रकार ठकुरीको अपहरण गर्ने माओवादी कार्यकर्ता माथी ज्यान मुद्दा

पत्रकार प्रकाश ठकुरीको अपहरणमा संलग्न भएको आरोपमा माओवादी कार्यकर्तामाथि कर्तव्य ज्यान मुद्दा दायर गरिएको छ । सोमबार कञ्चनपुर जिल्ला सरकारी वकिलको कार्यालयले जिल्ला अदालतमा मुद्दा दायर गरेको हो ।

कञ्चनपुर जिल्ला अदालतको फौजदारी दायरी किताबमा पोमलाल शर्मा, चन्द्रकान्त भट्ट र जगत क्षेत्रीलाई कर्तव्य ज्यान मुद्दा लगाइएको छ । सि.नं. ६३ तथा र.नं. ९२६४००३४ मा दर्ता गरिएको सरकारवादी मुद्दामा पत्रकार ठकुरीको हत्या गरेको अभियोग लगाइएको छ ।


जिल्ला प्रहरी कार्यालयले तयार गरेको अनुसन्धान मिसिलका अनुसार सोमबार दिउ�सो ३ः३० बजे मुद्दा दायर गरिएको हो । अखिल नेपाल जनस्वास्थ्यकर्मी संघ जिल्ला सचिव रहेका पोमलाल शर्मा भण्डारी महेन्द्रनगर नगरविकास समितिका सदस्य हुन् । उनी प्रहरी हिरासतमै छन् । चन्द्रकान्त भट्ट माओवादी कार्यकर्ता र जगत क्षेत्री योङ कम्युनिस्ट लिग -वाइसिएल) कञ्चनपुरका संयोजक हुन् ।

जिल्ला प्रहरी कार्यालयले तयार गरेको अनुसन्धान मिसिलमा वाइसिएलका कार्यकर्ता प्रेम, विपिन, दिलीप, शिशिर र निखिल पनि पत्रकार ठकुरीको हत्यामा संलग्न रहेको उल्लेख छ । स्पष्ट नाम उल्लेख नभएकाले उनीहरूमाथि मुद्दा दायर नगरिएको जिल्ला सरकारी वकिलको कार्यालयले जनाएको छ । थप अनुसन्धानपछि अन्य पाचजनामाथि पनि मुद्दा दायर गरिने भएको छ ।


गत२१ असारमा महेन्द्रनगर- १ भा�सीस्थित डेरानजिकबाट ठकुरीको अपहरण गरिएको थियो । चौतर्फी दबाब बढेपछि जिल्ला प्रहरी कार्यालयले प्रहरी नायव उपरीक्षक राजेन्द्र खड्काको संयोजकत्वमा पाच सदस्यीय अनुसन्धान टोली गठन गरिएको थियो । १५ दिन लगाएर सो टोलीले अनुसन्धान प्रतिवेदन शुक्रबार प्रमुख जिल्ला अधिकारी शारदा पौडेललाई बुझाएको थियो । सो अनुसन्धानमा पत्रकार ठकुरी जीवित नभएको ठहर गरेपछि कर्तव्य ज्यान मुद्दा दायर गरिएको हो ।