राजाको सबै सम्पत्ति नेपाल सरकारको नाममा सारिसकियो

गृहमन्त्री कृष्णप्रसाद सिटौलाले राजाको सम्पत्ति राष्ट्रियकरण गर्नका लागि ट्रष्ट बनाउने कार्य अन्तिम चरणमा पुगेको बताउनुभएको छ ।

राजाको हैसियतले राजा ज्ञानेन्द्रलाई प्राप्त सबै सम्पत्ति नेपाल सरकारको नाममा सारिसकिएको गृहमन्त्री सिटौलाले जानकारी दिनुभयो ।
व्यवस्थापिका संसदका राज्य व्यवस्था समितिको आज बसेको बैठकमा गृहमन्त्री सिटौलाले स्वर्गिय राजा विरेन्द्रका परिवारका सदस्यहरुको सम्पत्ति दरबार हत्याकाण्डपछि राजा ज्ञानेन्द्रको नाममा सारिएको देखिएको जानकारी गराउनुभयो ।

मन्त्री सिटौलाले ती सम्पत्ति जुनसुकै स्थानमा पुगेको भए पनि ट्रष्टमा फिर्ता ल्याइने स्पष्ट पार्नुभयो । राजधानीका विभिन्न स्थानमा रहेका जग्गाजमिन तथा बैंक सेयर वा विदेशका बैंकमा रहेका सम्पत्तिको लेखाजोख ागर्ने कार्य अन्तिम चरणमा पुगेको उल्लेख गर्दै मन्त्री सिटौलाले त्यसको प्रारम्भिक प्रतिवेदन समितिको आगामी बैठकमा पेश गर्ने बताउनुभयो ।