इरान छिमेकीहरुसँग द्वन्द्व चाहन्छ: अमेरिकी रक्षामन्त्री

अमेरिकी रक्षामन्त्री रबर्ट गेट्सले इरानको नेतृत्व उसका छिमेकीहरुसँग द्वन्द्व गर्न उद्दत रहेको बताएका छन्। उनले इरानले आफ्नो आणविक अस्त्र कार्यक्रम फेरि शुरु गरेको हुनसक्ने आशंका पनि व्यक्त गरे।
बहराइनमा एउटा क्षेत्रीय सुरक्षा सम्मेलनमा बोल्दै गेट्सले भने, ''अमेरिकाले इरानमाथी सैन्य नभएर पूर्णतया राजनीतिक तथा आर्थिक दबाब दिइरहेको छ।''
इराक, अफ्गानिस्तान र पूर्वी अफ्रिकामा हालै मात्र अमेरिकी सैन्यहरुलाई भेटेर आएका अमेरिकी रक्षामन्त्रीले खाडी अरब क्षेत्रका सुरक्षा प्रमुखहरुलाई सम्वोधन गर्दै भने, ''इरान यो क्षेत्रका लागि गम्भीर खतराका रुपमा विद्यमान छ।''