दुवै सेनाले भर्ना गरेका छन्-मार्टिन

नेपाली सेना र माओवादी सेनाले शान्ति सम्झौता बिपरित सैनिक भर्ना गरिरहेको अनमिन प्रमुख इयान मार्टिनले बताएका छन् ।
संयुक्त राष्ट्र संघीय मिसन अनमीनका नेपाल प्रमुख इयान मार्टिनले सरकार र माओवादी दुबैपक्षले शान्ति सम्झौता विपरित सैन्य भर्ना जारी राखेकोमा आपत्ति प्रकट गरेका छन् । मानवअधिकार गृहले मङ्सिर २७ गते राजधानीमा गरेको अर्न्तक्रियामा बोल्दै मार्टिनले आफूसँग दुबैपक्षले सैन्य भर्ना जारी राखेको प्रमाण रहेको बताए । मार्टिनले अनमिनको कामको समय बढाउन चाहेको पनि उल्लेख गरे।
संविधानसभा चुनावको मिति अब नसर्ने गरी तोक्नु पर्ने र यसको लागि नयाँ राजनीतिक सम्झौता आवश्यक भएको मार्टिनको भनाई थियो । प्रमाणीकरणको प्रक्रियामा सामेल नभएका माओवादी सेना वाईसीएलमा रहेकोमा पनि उनले चिन्ता व्यक्त गरे । कार्यक्रममा द्धन्द्धविद डा.विष्णुराज उप्रेती र मानव अधिकारवादी सुशिल प्याकुरेलले अनमिनको गतिविधि पारदर्शी हुनुपर्नेमा जोड दिएका थिए ।