ट्रस्ट विधेयक र हातहतियार खरखजना सम्बन्धी विधेयक प्रस्तुत

व्यवस्थापिका संसदको दोश्रो बैठक भर्खरै सुरु भएको छ । विशेष समय सकिएपछि आधा घण्टाको लागि स्थगित भएको बैठक केहीबेरअघि सुरु भएको हो । आजको पहिलो बैठकमा राजाको सम्पत्ति राष्ट्रियकरण गर्न बनेको नेपाल ट्रस्ट विधेयक र हातहतियार खरखजनासम्बन्धी विधेयक प्रस्तुत भएको छ । दुबै विधेयक गृहमन्त्री कृष्ण सिटौलाको तर्फाट कानुन न्याय तथा संसदीय व्यवस्था राज्यमन्त्रीले प्रस्तुत गर्नुभएको हो । यस अघि व्यवस्थापिका संसदको आजको बैठक सुरु हुँनासाथ सांसदहरुले विभिन्न सवालमा सरकारको ध्यानाकर्षा गराएका थिए । सांसद प्रदिप ज्ञवालीले विस्ततृ शान्ति सम्झौताको कार्यान्वयन नहुँदा शान्ति प्रक्रियामा असर परेको बताउँदै माओवादीले आफ्नो गतिविधि सुधार्नुपर्ने बताउनुभयो । उहाँले शान्ति प्रक्रियामा माओवादी जान्छ भन्नेमा बढी आशंका भएको बताउनुभयो । सांसद ज्ञवालीले शान्ति सम्झौताको कार्यान्वनयनबाट मात्रै शान्ति प्रक्रिया सफल हुने भएकाले यसको कार्यान्वयनमा सबै पक्ष जिम्मेवार बन्नुपर्ने खाँचो औल्याउनुभयो । सांसद लिला न्याइच्याइँले उपभोक्ताले ग्यास नपाएको विषयमा सरकारको ध्यानाकर्षा गराउनुभयो । उहाँले आयल निगममाथि छानबिन गर्न सरकारलाई आग्रह गर्नुभयो । सांसद चित्र बहादुर केसीले सात दलको एकता टुट्न सक्नेमा आंशका उब्जिएको बताउनुभयो । उहाँले दलहरुबीचको असमझदारीका कारण अरु काममा पनि बाधा पुगेको बताउनुभयो । सांसद दिलेन्द्र प्रसाद बडुले माओवादीले गैरजिम्मेवार अभिव्यक्तिले चुनावप्रति जिम्मेवार नभएको स्पष्ट हुने बताउनुभयो । उहाँले अध्यक्ष प्रचण्डका विभिन्न अभिव्यक्तिहरुबाट चुनाव विरोधी हुन सक्न शंका उत्पन्न भएको आरोप लगाउनुभयो । सांसद हृ्रदेयश त्रिपाठीले उखु किसानहरुको समस्याका बारेमा सदनको ध्यानाकर्षा गराउनुभयो । सांसदहरुले नवराज सुवेदी, चन्द्र मणि खरालले सुस्ताको जग्गा अतिक्रमणप्रति सरकार गम्भीर नभएको आरोप लगाउनुभयो । उहाँहरुले सुगौली सन्धिपछिको भारतसँग गरिएका सन्धि सम्झौताहरु नेपालको पक्षमा नभएको बताउनुभयो । बैठकमा सांसद शान्ता श्रेष्ठले संसदमा उठाइएका कुराहरु लागु नहुने भएकाले संसद गफ गर्ने थलो मात्र भएको बताउनुभयो । आजको बैठकमा राजाको सम्पत्ति राष्ट्रियकरण गर्न बनेको नेपाल ट्रस्ट विधेयक र हातहतियार खरखजनासम्बन्धी विधेयक प्रस्तुत हुने कार्यक्रम छ ।