कोरियामा पक्राउ मजदुर फर्काइए

सोल, मंसिर २७ - दर्ुइ साताअघि पक्राउ परेका प्रवासी मजदुर युनियन -एमटीयू) का अध्यक्ष काजीमान खापुङ, उपाध्यक्ष राजु गुरुङ र महासचिव मासुम -बंगलादेश) लाई कोरिया सरकारले बिहीबार स्वदेश फर्काएको छ ।
उनीहरूलाई स्वदेश पठाउन यहा“को कानुन मन्त्रालयले बुधबारै सबै प्रक्रिया मिलाएको थियो । अध्यक्ष खापुङ र उपाध्यक्ष गुरुङलाई कोरियन एयरबाट नेपाल पठाइएको हो ।

मजदुर नेताहरूको स्वदेश फिर्तीस“गै कोरियामा दर्ुइ थरी प्रतिक्रिया उत्पन्न भएको छ । मजदुर अधिकारवादीहरूले यसको चर्को विरोध गरेका छन् भने गैरकानुनी विदेशीलाई जबर्जस्ती देशनिकाला गर्न आन्दोलनरत संस्थाहरूले स्वागत गरेका छन् । मजदुरहरूले बुधबार मन्त्रिपरषद् कार्यालयसामु विरोध पर््रदर्शन गरे । विरोधमा नेपाली मजदुरहरूको उल्लेख्य सहभागिता थियो ।

कोरिया सरकारले गैरकानुनी रूपमा रहेका मजदुरहरूलाई कडा कारबाही गर्ने र हाल जारी धरपकडलाई वैधानिकता दिन ल्याउन लागेको कानुनको विरोधमा सहभागी हुन जान लाग्दा गत नोभेम्बर २७ मा एकै दिन तीन मजदुर नेतालाई पक्राउ गरिएको थियो । कोरिया सरकारले उनीहरूलाई आतंककारी घोषणा गरेको थियो । पक्राउको विरोधमा नेपाली मजदुरहरू यहा“को एक क्रिस्चियन चर्चमा गत सातादेखि धर्ना बसेका छन् ।