वाइसीयलले भारतद्वारा अधिक्रमित सुस्ता क्षत्रको निरिक्षण गर्ने

माओवादी भात्री संगठन वाइसीयलले भारतद्वारा अधिक्रमित सुस्ता क्षत्रको पर्सि स्थलगत अवलोकन गर्ने भएको छ । वाइसीयलले आज राजधानीमा पत्रकार सम्मेलन गरि मेची-महाकाली गणतान्त्रिक युवामार्चका क्रममा भारतद्वारा अधिक्रमित सुस्ता क्षत्रको निरिक्षण गर्न लागिएको जनाएको हो ।


अध्यक्ष गणेशमान पुनले मंसिरबाट सुरु भएको मार्चका क्रममा हालसम्म इलामको पशुपतिनगर, झापाको मेची पुल र महेशपुर र सप्तरीको लालपट्टिमा सिमा अवलोकन गरि सिमा अधिक्रमको बिरोध गरिएको बताउनु भयो ।

पत्रकार सम्मेलनमा अध्यक्ष पुनले भोलि रौतहटको गौरमा वाइसियलले गर्न लागेको श्रद्धाञ्जली कार्यक्रममा हिंसा नदोहोरियोस भन्नेमा सचेत रहेको टिप्पणी गर्नु भयो । हाल वाइसियल सरसफाई,सडक निर्माण, जनसेवा, सिमा अधिक्रमको बिरोधको कार्यक्रममा लागेको उहाँले जानकारी दिनु भयो ।



यसैबिच वाइसियलका एक कार्यकर्तालाई सर्लाही प्रहरीले गए राती हतियार सहित ईश्वरपुरबाट पक्राउ गरेको छ । बरबरगञ्ज ५ का २३ वर्षिय पुरूषोत्तमकुमार सिंहलाई १ थान नकटुवा बन्दुक, यसयलआरका ३ वटा गोली र २ वटा नक्कली पिस्तोल सहित पक्राउ गरिएको प्रहरि उपनिरिक्षक गणेश के सी ले बताउनु भयो ।