अब पाठ्यपुस्तक मैथली, भोजपुरी, थारु, तामाङ र डोटेल भाषामा पनि

मध्यपुर, थिमी, १९ मङ्सिर । अनौपचारिक शिक्षा केन्द्र सानो ठिमीले दातृ राष्ट्र डेनिडाको आर्थिक सहयोगमा विभिन्न पाँच वटा भाषाका पाठ्यपुस्तक निर्माण कार्य सुरु गरेको छ ।केन्द्रले सञ्चालन गरेका अनौपचारिक शिक्षाका लागि मैथली, भोजपुरी, थारु, तामाङ र डोटेल भाषामा साक्षरता पाठ्यपुस्तक निर्माण कार्य सुरु गरिएको र चालु आवमै निर्माण सम्पन्न गरिने जानकारी केन्द्रका उपनिर्देशक लक्ष्मण खनालले दिनुभयो ।यी पाठ्यपुस्तकबाट पढाइ सुरु भएपछि यसको प्रभावकारिताको अध्ययन गरी थप अन्य भाषामा पनि पाठ्यपुस्तक निर्माण गरिने उहाँले बताउनुभयो ।