कामदार पठाउनेसम्बन्धमा कोरियासँग अर्को सम्झौता

काठमाडौँ, मङ्सिर २५ गते । नेपाल सरकार र गणतन्त्र कोरिया सरकारबीच नेपाली कामदार दक्षिण कोरियामा पठाउने क्रममा दोस्रो चरणको आन्तरिक कार्यसम्पादन सम्झौता मङ्गलबार यहाँ सम्पन्न भयो । सो सम्झौतापत्रमा नेपालका तर्फबाट श्रम विभागका महानिर्देशक केशरबहादुर बानियाँ र कोरियाका तर्फबाट कोरियाली श्रम मन्त्रालयका महानिर्देशक लि कि क्वानले हस्ताक्षर गर्नुभएको थियो ।

गत भदौ महिनामा दर्ुइ देशबीच रोजगार अनुमति प्रणाली र्-इपीएस)अर्न्तर्गत नेपाली कामदारलाई कोरिया पठाउने समझदारीपत्रमा दर्ुइ देशका सरकारबीच हस्ताक्षर भएको थियो । आजको सम्झौतापछि सरकारले कामदार आपूर्ति गर्न कोरियन भाषा परीक्षण कार्यान्वयन र अन्य प्रक्रिया अगाडि बढाउन सहज भएको बताइएको छ । छनोट गरिएका कामदारलाई आगामी जनवरी महिनादेखि भाषा तालिम दिइने उल्लेख गरिएको छ ।

कार्यक्रममा श्रम तथा यातायात मन्त्रालयका सचिव श्यामप्रसाद मैनालीले निष्पक्ष र पारदर्शी तवरले काठमाडौँ बाहिरबाट पनि कामदार छनोट र तालिम प्रदान गरिने बताउँदै यस कार्यमा बीचका दलालहरूलाई निरुत्साही गरिने बताउनुभयो । नेपालका लागि कोरियाली राजदूत नाम साङ् जुङले नेपालको आर्थिक र सामाजिक विकासमा श्रम सम्झौताले सघाउ पुर्‍याउने धारणा राख्नुभयो । उहाँले कोरियामा नेपालको दूतावास स्थापना हुनु, दर्ुइ देशबीच हवाई र श्रम सम्झौता हुनुले दर्ुइ देशको सम्बन्ध विस्तार र अरु घनिष्ठ हुँदै गएको बताउनुभयो ।