राजालाई नाराएणहिटी दरवारबाट हटाई सेनाको सुरक्षा कटौती गर्नु पर्छ: बामदेव गौतम

एमाले नेता बामदेव गौतमले संविधानसभा अघिनै राजालाई नाराएणहिटी दरवारबाट हटाई सेनाको सुरक्षा कटौती गर्नु पर्ने बताउनुभएको छ ।

नागरिक सरह निर्मल निवासमा बसी राजालाई शसस्त्र प्रहरीको सुरक्षा दिए फरक नपर्ने उँहाले बताउनुभयो ।



आज नेपालगञ्जको प्रेस चौतारीले आयोजना गरेको पत्रकार भेटघाटमा गौतमले संविधानसभाले अनुमोदन गर्ने गरी गणतन्त्र घोषणा गर्ने सकिने विचार राख्नु भयो ।संसदको निर्देशनले काँग्रेस नैतिक र राजनीतिक दवावमा परेपनि अन्योल अन्त्य गर्ने हट त्याग्न नसकेको वहाले टिप्पणी गर्नुभयो ।

एमाले नेता गौतमले मधेषी जनअधिकर फोरम संगको सम्झौता कार्यान्वयन गरेर मधेष आन्दोलन रोक्न सरकारलाई सुझाव दिनु भयो । सिङ्गो तराईलाई एउटा प्रदेश बनाउने माग भने गलत रहेको उहाको भनाई थियो ।