'छैटौं आहा गोल्डकपमा बंगलादेशको सहभागिता रहने'

पोखरा, २८ मंसिर/सहारा क्लबद्वारा आयोजित पोखराको बहुप्रतिष्ठित आहा गोल्डकपको छैटौं सस्करणमा आउँदो पुस १७ गतेदेखि हुने भएको छ । छैटौं गोल्डकपमा पोखरेली दर्शकले बेग्लै स्वाद पाउने भएका छन् । पुस १७ गतेदेखि हुने छैंटौं सस्करणमा दर्शकले बेलायती, भारतीयसहित बंगलादेशी टोलीको फुटबल स्वाद पाउने भएका हुन् । मनाङले दुइ पटक आहा गोल्डकप उचालेको मनाङ मर्स्याङदी छैटौं आहा गोल्डकपमा समावेश छैन् । मनाङमर्स्याङदी उपस्थित नहुने हुदाँ दर्शकले मनाङ मर्स्याङदीको खेल हेन दर्शक बञ्चित हुने छन् । शुक्रबार आयोजित पत्रकार सम्मेलनमा क्लबका अध्यक्ष विक्रम थकालीले बंगलादेशी टोलीसित पनि कुराकानी भएको जानकारी दिनुभयो । गोल्डकपमा बेलायती सहारा युके, तीन विभागिय टोलीसहित, एनआरटी, थ्रीस्टार, फ्रेन्डस क्लब, रुपन्देही ११, धरान फुटबल क्लब, सहारा पोखरा, भारतीय टोली र आयोजकसहित १२ टिमले प्रतिपर्स्धा गर्ने पत्रकार सम्मेलनमा जानकारी दिइयो । सहारा युकेबाट छैटौं सस्करणको लागि २ दुइ अप्रिकन, ३ बेलायती तथा ५ जना बेलायतमा बसोबास गर्ने नेपाली खेलाडी र गोलकिपरसहित ४ जना स्थानीय पोखरेली खेलाडी समावेश गरिने योजना रहेको मानार्थ सदस्य नविन गुरुङले जानकारी दिनुभयो । टोलीमा मोहन बगानका तीन खेलाडी समेत समावेश गर्ने आवश्यक तयारी भइरहको उहाँले बताउनुभयो । छैटौं संस्करणदेखि उत्कृष्ट खेलाडीलाई यमाहा मोटर साइकल प्रदान गरिने पत्रकार सम्मेलनमा जानकारी दिइयो । मोटर साइकलको प्रायोजन भने मोटर अटो वर्क्स र सहारा युकेले आधा आधा गर्ने भएका छन् । व्यवसायिक खेलाडीलाई प्रोत्साहन गर्न दशौ. आहा गोल्डकपसम्म उत्कृष्ट खेलाडीलाई मोटरसाइकल प्रदान गरिने निर्णयगरिएको छ । विजयी क्लबलाई १ लाख र उपविजेताले ५० हजार प्रदान गरिने छ । क्लबको तथ्यांक अनुसार गतवर्ष६० हजार दर्शकले अवलोकन गरेकोमा यो वर्ष१ लाख दर्शक भित्रयाउने लक्ष्य राखको छ । गतवर्षटिकट विक्रीबाट १९ लाख संकलन गरिएको थियो । प्रतियोगिताबाट ११ लाख ७३ हजार बचत गरिएको थियो भने यो वर्ष१४ लाख बचत गर्ने लक्ष्य क्लबले लिएको छ । क्लबले छैटौं आहा गोल्डकपको लागि ३० लाख ८५ हजार खर्च हुने अनुमान गरेको छ ।