नौ दिनकी सुत्केरीलाई झुण्डाएर मारियो

सुत्केरी चेली झुन्ड्याएर हत्या गर्नेलाई पक्राउ गरी कारबाही नगरेको भनी एक मृतकका आफन्तले कुञ्चोक गाविस-३ का प्रकाश गिरीकी २० वषीया श्रीमती शर्मिला गिरीको हत्या गरिएको भनी सागाचोक गाविस-५ का माइती पक्षले प्रहरी कार्यालय घेरेका हुन् ।
उनी नौ दिनकी सुत्केरी थिइन् । मृतकका घर पक्षले भने शर्मिलाले १८ मंसिर राति घरको दलानमा पटुकाको पासो लगाई आत्महत्या गरेको प्रहरीलाई बताएका छन् । नौदिने सुत्केरीले आत्महत्या गर्न नसक्ने बताउदै माइती पक्षले शर्मिलाको हत्या नै गरिएको दाबी गरेका छन् ।
हत्या आरोपमा मृतकका दाजु कृष्ण गिरीले शर्मिलाको मृत्यु भएको एकसाता नबित्दै प्रहरी कार्यालयमा किटानी जाहेरी दिएका थिए । तर, सो जाहेरी प्रहरीले आइतबार मात्र दर्ता गरेको छ । जाहेरीमा मृतकका ससुरा नारायण, सासू दुगा र आमाजू भुना गिरीको मिलेमतोमा शर्मिलाको हत्या गरिएको आरोप लगाइएको छ ।आरोपित तीनैजनालाई प्रहरीले नियन्त्रणमा लिएको छ । उनको चार वर्षघि विवाह भएको थियो ।
'घटनाको दुइ दिनसम्म माइतीलाई खबर दिइएन,' छोरीको हत्या गरिएको दाबी गर्दै आमा बाटुलीले प्रश्न गरिन्, 'हत्या नगरिएको भए किन खबर गरिएन -' शर्मिला ८ मंसिर पूणिर्माको दिन सुत्केरी भएकी थिइन् । पूणिर्माको दिन जन्मेको शिशुले परिवार पिरोल्ने रुढीवादी र अन्धविश्वासका कारण सुत्केरी शर्मिलालार्इर्र्परिवारका सदस्यले मानसिक यातना दिदै आएको माइती पक्षको आरोप छ । 'परिवारको सदस्य पिरोल्ने बच्चालाई पूणिर्माको दिन जन्माएको भन्दै छोरीको हत्या गरिएको हो,' आसु झार्दै आमा बाटुलीले दाबी गरिन् ।