सप्तरीमा अपहरित चार मध्ये दुइको गोली हानी हत्या

सप्तरीमा अज्ञात समूहद्वारा मंगलबार अपहरित चारजनामध्ये दुई जनाको हत्या भएको छ । अपहरित गजेन्द्र श्रेष्ठ र पशुपति श्रेष्ठलाई गोली हानी हत्या गरिएको हो । हत्या गरिएका श्रेष्ठ द्वयको मृत शरिर कल्याणपुर बजार र धनगढीदेखि १ किलोमिटर दक्षिणमा फेला पारिएको सप्तरी जिल्ला प्रहरीले जनाएको छ । मृतक गजेन्द्रको टाउको र छातीमा दुई राउण्ड र पशुपतिको टाउकोमा एक राउण्ड गोली प्रहार गरिएको छ । सप्तरीको कल्याणपुरबाट मंगलबार राती गजेन्द्र श्रेष्ठ, भोला श्रेष्ठ, पशुपति श्रेष्ठ र उनका छोरा जनक श्रेष्ठलाई अज्ञात समूहले अपहरण गरेको थियो । अपहरित चारजना मध्ये जनक श्रेष्ठ र भोला चालिसेलाई भने अपहरणकारीले गए राती मुक्त गरेको बताइएको छ ।