संसद २९ गते सम्मका लागि स्थगित

१३ डिसेम्बर, ०७ । अन्तरिम ब्याबस्थापिका संसदको बैठक आगामी २९ गते शनिबार सम्मको लागि स्थगित गरिएको छ । सरकारले संविधान संशोधन बिधेयक मङ्सिर महिनामै ल्याउने आशामा संसद बैठक मंसिर २९ गते चार बजे बस्ने गरी आजको बैठक स्थगित गरिएको हो। आज १२ बजे सुरु भएको संसद बैठक २ घण्टा चलेको थियो । संविधान संशोधनका लागि सरकारले बिधेयक ल्याउने आशामा संसद बैठक मङ्सिर २९ गते राखिएको संसद बैठकपछि संचारकर्मीहरुसंग कुरा गर्दै सांसदहरुले बताएका छन ।आज संसदको बिशेष समयमा बोल्ने सांसदहरुले चार मधेशी सांसदहरुले राजिनामा दिएको घटना गम्भीर भएको बताए । अधिकांश सांसदहरुले राजिनामा दिने सांसदहरुले समस्याबाट भागेको आरोप लगाए ।आजको संसदमा आजको बैठकमा बिशेष समयलिएर बोल्ने सांसदहरुमा राष्ट्रिय जनशक्ति पार्टीका अध्यक्ष तथा सांसद सूर्यबहादुर थापा, एमालेका लालबाबु पण्डित, नेपाली कांग्रेसका हरिहर दाहाल, माओवादीका देव गुरुङ, राष्ट्रिय जनमोर्चाका डिलाराम आचार्य लगाएतका सांसदहरु बोल्नु भएको थियो । उहाँहरुले मधेसी सांसदहरुको राजीनामा आपत्तीजनक भएको बताउनु भएको थियो ।