बर्दियामा जिप दुर्घटना हुँदा १२ घाइते

बर्दियामा मंगलबार विहान जिप दुर्घटना हुँदा १२ जना घाइते भएका छन् । नेपालगंजबाट गुलरिया जाँदै गरेको लु १ च ४१४ नम्बरको जिप महमम्दपुर गाविसको लालपुरमा सडकमा पल्टिएको जनाइएको छ ।
घाइते मध्ये नेपालगंजमा उपचार गराइरहेका दुई जनाको अवस्था गम्भीर छ । अन्यको गुलरियास्थित जिल्ला अस्पतालमा उपचार भइरहेको छ ।
घाइते छविलाल वाग्लेले चालकको लापरबाहीका कारण दुर्घटना भएको बताएका छन् । चालक फरार रहेको प्रहरीले जनाएको छ ।