अतिक्रमण विवाद समाधान गर्न उच्च तहको राजनितिक वार्ता गरिने

नेपालका लागि भारतीय राजदुत शिवशंकर मुखर्जीले सुस्ता लगायत नेपाली भू-भागमा भइरहेका अतिक्रमण विवादका समाधान ऐतिहासिक र वैज्ञानिक तथ्यका आधारमा गर्नुपर्ने बताउनु भएको छ ।एमाले महासचिव माधव कुमार नेपालसँग शनिबार अपरान्ह भएको भेटमा राजदुत मुखर्जीले दुई देशबीचको आपसी समझदारीमा उच्चस्तरबाट अतिक्रमण विवाद टुंग्याउने पक्षमा भारत रहेको बताउनुभएको हो ।सिमा अतिक्रमणको विरोधमा सात दलका युवा संगठनहरुले संगठित विरोध गर्ने तयारी गरिहादा राजदुतले विवाद नचर्काउन नेपाललाइ आग्रह गर्नुभएको वुझिएको छ । सो भेटमा नेपालले तथ्यका आधारमा विवाद समाधान गर्न उच्च तहको राजनितिक वार्ता गर्न सुझाव दिनुभएको थियो । अतिक्रमण विवाद ९८ प्रतिशत समाधान भइसकेकाले दुबै पक्ष संवेदनशील भइ अघि बढ्नुपर्नेमा मुखर्जीले जोड दिनुभएको महासचिव नेपालले जानकारी दिनुभयो ।एमाले मुख्यालय बल्खुमा आधा घण्टा भएको भेटमा संविधानसभा निर्वाचन, सातदलबीच हालै भएको सहमति लगायत विषयमा छलफल भएको महासचिव नेपालले बताउनुभयो । उहाँका अनुसार राजदुत मुखर्जीले चैतमा संविधानसभा निर्वाचन हुनेमा भारत विश्वस्त रहेको बताउनुभएको थियो ।