'माओवादी सेना राष्ट्रियमा समायोजन हुदैन'

माओवादी सेना राष्ट्रिय सेनामा समायोजन नहुने प्रधानमन्त्री गिरिजाप्रसाद कोइरालाको भनाइले सात दलबीचको सहमति प्रभावित हुने सम्भावना देखीएको छ ।

प्रधानमन्त्री गिरिजाप्रसाद कोइरालाले माओवादी सेना राष्ट्रिय सेनामा समायोजन हुननसक्ने बताएका छन् । पुष २४ गते बालुवाटारमा संचारकर्मीहरुसँग कुरा गर्दै प्रधानमन्त्रीले राष्ट्रिय सेना कुनै 'वाद' को प्रभावमा पर्न नसक्ने प्रधानसेनापति रुक्मांगद कटवालको भनाइप्रतिआफ्नो पूरा समर्थन रहेको उल्लेख गरे । राष्ट्रिय सेनालाई राजनीतिक पार्टीबाट प्रभावित हुन कुनै हालतमा नदिने पनि प्रधानमन्त्रीले त्यहाँ दृढता ब्यक्त गरे । सेनालाई अनुशाषित संगठन बनाउन आफू लागिरहने प्रधानमन्त्रीले बताए ।
माओवादी सेनालाई समायोजन गर्ने भनिएको अरु कुनै ठाउँमा कुनै हिसाबले समायोजन गरिने भनिएको हो भन्ने प्रधानमन्त्रीको भनाइ थियो। सात दलबीच पुष ८ गते भएको २३ बुँदे सहमतिमा सेना समायोजनबारे पनि सहमति भएको थियो । प्रधानमन्त्रीले संचारकर्मीहरुसँगकोअर्न्तक्रियामा माओवादी सेनाको अन्य हिसाबमा समायोजन पनि संविधानसभा चुनाव पछि मात्र हुने उल्लेख गरे ।
प्रधानमन्त्री कोइरालाले संविधानसभा चुनावको मिति पुष अन्तमा हुने मन्त्री परिषदको बैठकले घोषणा गर्ने र चुनाव चैतभित्रै हुने बताए ।भारतसँगको सिमा बिबादबारे बोल्दै प्रधानमन्त्रीले सिमा बिबाद सडकमा उफ्रेर समाधान नहुने उल्लेख गरे । सिमा बिबाद समाधान गर्नआफूले कुटनीतिक पहल थालिसकेको पनि प्रधानमन्त्रीको दावी थियो ।