४५ लाख बरामद

काठमाडौं, माघ ६ - गोंगबुबाट शनिबार घरैबाट हराएको ४५ लाख रुपैया“ प्रहरीले बरामद गरेको छ ।
गोंगबुका जगन्नाथ श्रेष्ठको घरबाट रकम हराएको थियो । प्रहरीले श्रेष्ठकै नातिहरूबाट रकम बरामद गरेको हो ।
श्रेष्ठले आफन्तले रकम चोरी गरेको आशंकासहित परिवारका सदस्यबीच खोजतलास गर्दा नभेटिएपछि प्रहरीलाई खबर गरेका थिए ।
सूचना पाएलगत्तै अपराध अनुसन्धान महाशाखा र सोह्रखुट्टे प्रहरीले संयुक्त रूपमा घटनास्थलको अनुसन्धान गरी शंकास्पद आफन्तलाई नियन्त्रणमा लिई सोधपुछ गरेपछि रकम गोंगबुस्थित धौलागिरि होटलबाट बरामद
भएको हो ।
अनुसन्धानमा संलग्न डिएसपी विष्णु केसीका अनुसार हराएको
रकम पीडितकै नातिद्वय बीपीन श्रेष्ठ र पिटर श्रेष्ठले चोरी गरेको
खुलेको छ ।
परिवारका सबै सदस्य भोज खान गएको मौका पारी उनीहरूले मूल ढोका र दराज फोर्दै रकम चोरेका थिए । ४५ लाख रुपैया“स“गै चोरी गरेर लगेका पुराना सिक्कासमेत प्रहरीले बरामद गरेको हो । दर्ुर्व्यसनीको लतमा फसेका दुवैलाई प्रहरीले हिरासतमा लिएको छ ।