'एचआईभी सार्नेलाई हत्यासरह दण्ड'

काठमाडौं, पुस १८ - थाहै नदिई श्रीमतीलाई एचआईभी/एड्स सार्ने पुरुषलाई हत्या गरेसरह सजाय दिनुपर्ने सभामुख सुवास नेम्वाङले बताएका छन् ।
जानीजानी श्रीमतीलाई एचआईभी सानर्ुर्ुयानसम्बन्धी अपराध रहेको उल्लेख गर्दै सभामुखले 'एचआईभी तथा एड्स कानुनको आवश्यकता' गोष्ठीमा बुधबार भने- 'यसमा ज्यानसम्बन्धी मुद्दा नै चल्छ । म त भन्छु, अहिलेकै कानुनअनुसार पनि गर्न सकिन्छ ।'
एचआईभी/एड्स सङ्क्रमितको बढ्दो दर सन् २०१५ सम्म घटाउन सरकारले प्रभावकारी कार्यक्रम ल्याउनुपर्ने समेत उनले औंल्याए । गोष्ठी शिक्षा, स्वास्थ्य तथा जनसंख्या समिति, एचआईभी/एड्स तथा मानव अधिकार सरोकार समूह र महिला कानुन र विकास मञ्चद्वारा आयोजित थियो ।
गोष्ठीमा रोजगारका लागि विदेश जाने श्रीमान्बाट एचआईभी संक्रमण भए दण्ड दिने/नदिने प्रश्न गर्दै एचआईभी संक्रमित महिलाहरूको राष्ट्रिय महासंघकी अध्यक्ष छिरिङ शर्ेपाले भनिन्- 'संक्रमित महिलाहरू कानुनको पर्खाइमा छन् ।'
स्वास्थ्य तथा जनसंख्यामन्त्री गिरिराजमणि पोखरेलले सबैको साझा सहमतिबाट बनेको कानुन प्रभावकारी हुने जनाए ।
सर्वोच्च अदालतका न्यायाधीश कल्याण श्रेष्ठले एचआर्इर्र्ी/ एड्सबाट निर्दोष गृहिणीहरू अन्जानमा सिकार बन्ने गरेकामा चिन्ता जनाउ“दै दक्षिण एसियाका संक्रमितहरूले बलियो कानुन पाउने आशा व्यक्त गरे ।