रक्सी नियन्त्रण अभियान

डोटी, २७ पुस । रक्सी सेवन गरी होहल्ला गर्ने बनलेक गाविसका महिलाहरू हिजोआज रक्सी नियन्त्रण अभियानमा जुटेका छन् । पुसको जाडोमा रक्सी नियन्त्रण गर्न हातमा नाङ्गो लौरो लिएर यहाँका महिलाहरू समूहबद्ध रूपमा रातभरि गाउँमा गस्ती गर्दै हिँडिरहेका छन् । गस्ती सुरु गरेको चार महिनामा जरिवानाबापत ३४ हजार जम्मा गरेको बनलेक आमा समूहकी अध्यक्ष बिस्ना बलायर बताउनुहुन्छ । उहाँ भन्नुहुन्छ-यो रूपैयँा गाँउमा प्रशूतिगृह बनाउन खर्च गरिने छ । रक्सी बन्द अभियानमा करिब तीन सय महिला लागेका छन् । यस गाविसमा बिगत तीन वर्षा रक्सीका कारण आठ जनाको ज्यान गएको स्थानीय बासिन्दा बताउँछन् । पुरुषहरूले दिनभरि तास खेल्ने, बेलुकी रक्सी सेवन गरी घरमा झगडा गर्ने, घर जग्गा बिक्री गर्ने विभिन्न समस्या रहेकोले आफूहरू रक्सी नियन्त्रण अभियानमा लागेको ६२ वषर्ीया सञ्जा भारती बताउनुहुन्छ । जिल्ला प्रहरी कार्यालयमा गत वैशाख महिनायता जिल्लाका विभिन्न ठाँउमा मदिरा सेवन गरी झगडा हुँदा १२ जनाको ज्यान गएको तथ्याङ्क रहेको छ । यस अभियानलाई सहयोग गर्न सबै लाग्नुपर्ने महिलाहरू बताउँछन् ।