वाइसीयलका अध्यक्ष एक सातादेखि बेपत्ता

माओवादीको सहायक संगठन वाईसीयलका अध्यक्ष आशिष भनिने नवराज तिमल्सिना गत पुस १६ गतेदेखि बेपत्ता भएका छन् । मकवानपुर आमभञ्जयाङ गाविस-२ नयाँ बस्ती घरभएका तिमल्सिना हेटौंडा नपा पशुपतिनगरमा बस्दै आएका थिए । छत्तिवन गाविसमा आयोजित वाईसीयलको प्रशिक्षण शिविर सकेर डेरामा मोटरसाईकल राखी हिँडेका तिमल्सिना हालसम्म पनि घर नफर्किएको उनका दाजु सीताराम तिमल्सिनाले बताए । विगतमा माओवादीका वरिष्ठ नेता डा. बाबुराम भट्टराईका अगंरक्षक समेत रहेका तिमल्सिनाले एक साता अघि जिल्ला प्रशासन कार्यालयबाट राहदानी बनाएका थिए । बेपत्ता भएका वाईसीयल अध्यक्षको खोजी कार्य भईरहेको माओवादीका जिल्ला नेता प्रेमबहादुर पुलामीले बताए । तिमल्सिना पलायन भएर रोजगारीको लागि विदेशिएको आशंका माओवादीले गरेको छ ।