ँसेना परिचालनको आवश्यकता छैन’

काठमाडौं, माघ १५ - कांग्रेस महामन्त्री डा. रामवरण यादवले संविधानसभा निर्वाचन गर्न नेपाली सेना परिचालन आवश्यक नभएको बताएका छन् ।
मंगलबार सानेपास्थित केन्द्रीय कार्यालयमा आयोजित पत्रकार सम्मेलनमा यादवले सशस्त्र र जनपद प्रहरी परिचालनबाटै निर्वाचन गर्न सकिने धारणा व्यक्त गरे । तर्राईका विभिन्न जिल्लामा कार्यकर्ता भेटघाट र आमसभा गरेर हालै फर्केका यादवले स्थलगत अध्ययनको आधारमा निर्वाचन गर्न सकिने बताए ।
'बृहत् शान्ति सम्झौता र अन्तरिम संविधानमा विशेष परिस्थितिमा राजनीतिक सहमतिका आधारमा मात्रै सेना परिचालन गर्न सकिने सहमति भएको छ,' उनले भने- 'त्यसकारण सेना परिचालन गर्न मिल्दैन । मिले पनि सहमति चाहिन्छ ।'
मधेसमा सुरक्षाका केही चुनौती भए पनि संविधानसभाका लागि सेना परिचालन गर्नुपर्ने अवस्था नभएको उनको दाबी थियो । 'सशस्त्र र जनपदको परिचालनले सफलता र र्सार्थक संविधानसभा गर्न सकिन्छ,' उनले भने- 'त्यसकारण सेना परिचालनको आवश्यकता छैन ।'
मधेसका जिल्लामा भएका राजनीतिक कार्यक्रममा सभास्थल वरपर बम विस्फोट, ढुंगामुढा, अभद्र व्यवहार, कालो झन्डा देखाएर अवरोध गर्ने कोसिस गरे पनि जनताको व्यापक सहभागिता भएकाले संविधानसभा गर्न सकिने निचोडमा पुगेको बताए ।