माओबादी नेताहरुद्वार गाडी प्रयोग नगर्ने घोषणा

२२ जनवरी, ०८ । राजधानीमा जारी माओबादीको भेलामा देशभरवाट भेला भएका कार्यकर्ताले पार्टी नेतृत्व सुविधाभोगी भएको भनेर आलोचना गरेपछि प्रचण्डले त्यसलाई नियन्त्रण गर्ने प्रतिवद्धता जनाउनुभएको छ ।अब अध्यक्ष प्रचण्ड, बाबुराम भट्टराइ र बादल वाहेकका पार्टी नेतालाई पार्टीले आबश्यक ठानेमात्र गाडी सेवा उपलब्ध गराउने निर्णय भएको वताईएको छ । तर यो नियम मन्त्रीहरुबाहेकका नेताहरुलाई लागु हुने बताईएको छ । भेलामा सहभागी एक नेताकाअनुसार गाडिनै नचढ्ने भन्दा पनि उपयोग कम गर्ने निर्णय भएको बताउनु भयो । उहाँले गाडि क-कसलाई उपलब्ध गराउने भन्ने बारेमा समिति बनाईने र त्यही समितिको निर्णयअनुसार आफुहरु चल्ने बताउनु भयो । जारी राष्ट्रिय कार्यकर्ता भेला तथा प्रशिक्षण कार्यक्रममा निर्देशन दिदै प्रचण्डले संविधान सभा निर्वाचनमा आवश्यक्ताअनुसार बामपंथी दलहरु र कांग्रेससंग पनि तालमेल हुनसक्ने वताउनुभयो । बैठक आजै सकिने बताईएको छ ।