चुनाबका लागि बिशेष सुरक्षा रणनीति सार्बजनिक

२४ जनवरी, ०८ । सरकारले संविधान सभाको चुनाबको लागि बिशेष सुरक्षा रणनीति लागु गर्ने भएको छ । तीन चरणमा बिभाजन गरिएको सुरक्षा रणनीति माघ १५ देखि लागुहुने सरकारले जानकारी दिएको छ । आज ब्यवस्थापिका संसदको संविधान सभा निर्वाचन ब्यवस्थापन तथा अनुगमन विशेष समितिको बैठकमा गृहमन्त्री कृष्णप्रसाद सिटौलाले माघ १५ गतेदेखि फागुन ७ गतेसम्म पहिलो चरणको, फागुन ८ गतेदेखि चैत्र २७ गतेसम्म दोश्रो चरणको र निर्वाचन सम्पन्न भएदेखि विजयरयालीसम्मलाई गरि तीन चरणको सुरक्षा रणनीति अपनाईएको जानकारी दिनुभयो ।सो क्रममा २२ हजार सशस्त्र सहित ६२ हजार प्रहरी, ६९ हजार ७ सय म्यादी प्रहरी परिचालन हुने जानकारी दिदै जिल्ला जिल्लामा ५० जना सुरक्षाकर्मीको विशेष टोली परिचालन गरिने पनि सिटौलाले जानकारी दिनुभयो ।