किर्तिपुरमा बेवारिसे महिलाको शव

किर्तिपुर, १५ माघ । किर्तिपुरस्थित निर्माणाधीन त्रि.वि.रङ्गशाला नजिकै हिजो साँझ एक महिलाको शव फेला परेको छ । अन्दाजी ३५/३६ वर्षो अनुमान गरिएको उक्त मृत शरीर ठाउँठाउँमा हतियारको चोट लागेको र शरीर पुर्ण रूपमा सुन्निएको अवस्थामा फेला परेको थियो ।आधिकारिक परिचय खुलाउने कुनै कागजात फेला नपरेका कारण हालसम्म सनाखत हुन नसकेको महानगरीय प्रहरी प्रभाग, किर्तिपुरका प्रहरी निरीक्षक रमेशकुमार बस्नेतले बताउनुभयो ।