माओवादी करको विरोध

धनकुटा, माघ ६ - माओवादीले मालबाहक सवारीमा जबर्जस्ती कर उठाएको भन्दै उद्योग वाणिज्य संघले आइतबार विरोध जनाएको छ ।
माओवादीले कोसी राजमार्गको मालबासेमा मालबाहक सवारी रोकेर जबर्जस्ती महिनौंअघिदेखि कर उठाउ“दै आएको संघले जनाएको छ । त्यसरी कर असुल गरी आफूहरूलाई हैरान पारेको भन्दै त्यस्ता कार्य तत्काल बन्द गर्न पनि आग्रह गरिएको छ ।
संघले आइतबार विज्ञप्ति जारी गर्दै माओवादीद्वारा ना३ख ३८०१ नं.को मालबाहक ट्रक रोकी लाखौं मूल्यको सामग्री जबर्जस्ती जफथ गरिएको उल्लेख गरेको छ ।
संघका जिल्ला अध्यक्ष लालचन्द गोङ्वँद्वँरँ हस्ताक्षरित विज्ञप्तिमा माओवादीले शान्ति सम्झौताविपरीत र आसन्न संविधानसभा निर्वाचनमाथि असर पर्ने कार्य गरेकाले तत्काल त्यस्ता कार्य बन्द गर्न अपिल गरिएको छ । कर उठाउने कार्य बन्द गर्न र व्यापारीमाथिको धम्की तत्काल बन्द नगरे आफूहरूले त्यसविरुद्ध आन्दोलनका कार्यक्रम अगाडि बढाउने विज्ञप्तिमार्फ चेतावनी दिइएको छ ।