पोखरामा हिमपात, जनजीवन कष्टकर

पोखरा, १७ माघ/कास्की जिल्लाको उत्तरी केही गाविसमा गएराती हिमपात भएको छ । हिमपातले जनजीवन कष्टकर बनेको छ । बुधबार राती परेको पानीले कास्की जिल्लाको कास्कीका पर्यटकिय गाउहरु तान्चोकको देउराली, पोथना, लुम्ले, घान्दु्रक, लान्द्रुक, पन्चासै लगाएतका स्थानहरुमा हिमपात भएको छ । हिमपातसंगै वढेको चिसोको कारण दैनिक कार्यमा समस्या उत्पन्न भएको छ । तरकारी तथा अन्नवालिमा सामान्य क्षति पुगेको छ । चौपायालाई असर परेको स्थानियवासिले बताएका छन् । कास्कीको ठूलाखर्कमा वुधवार साँझबाट हिउँ परेको थियो । हिउँ परेपछि हिउँका पारखीहरु हिउँखेल्न त्यहाँ पुगेका छन् । पोखराबाट बिहिबार दिउँसो हिउँ खेल्न उल्लेख्य संख्यामा अष्ट्रेलियन क्याम्प तर्फगएका छन् । हिउँमा खेल्न मानिसहरु जाने क्रम अझैं बढि रहेको त्यहाँबाट ध्रुव देवकोटाले टेलिफोन मार्फ जानकारी दिनुभएको छ । यसैविच कास्कीको ठूलाखर्कमा अघिल्लो वर्षन्दा छिटो हिउँ परेको हो । गतवर्षमाघको अन्तिम समयमा हिउँ परेको थियो । हिउँ परेपछि पोखराको बातावरण निकै चिसो बनेको छ । चिसोले जनजीवन प्रभावित बनेको छ । गतवर्षपनि पोखरासँगै जोडिएको लुम्ले गाविसमा हिउँ परेको थियो । यता पार्चे गाविसको पर्यटकीय गाउँ सिक्लेसमा पनि हिउँ परेको छ । हिउँ खैल्नैकै लागि पोखराबाट मात्र नभई अन्य छिमैकी जिल्ला र स्थानीय युवायुवती अष्ट्रेलियन क्याम्प पुगेको त्यहाँबाट फर्केका नवराज सापकौटाले जानकारी दिए ।