हिन्दु अतिवादीले पश्चिम नेपालमा त्रास फैलाए,सुरक्षा कडा

सुदूर पश्चिम नेपालको भारत सीमा क्षेत्रको ब्रह्मदेवमा आज दुवै तर्फबाट सीमा सुरक्षा कडा बनाइएको छ । भारतको विश्व हिन्दू परिषद् र हिन्दू जागरण मञ्चले दसगजा क्षेत्रमा आज प्रदर्शन गर्ने भएपछि सीमा सुरक्षाको व्यवस्था कडा पारिएको हो । महेन्द्रनगरका प्रमुख जिल्ला अधिकारी शारदाभक्त पौडेलको नेतृत्वमा सुरक्षा दलको एक टोलीले सीमा क्षेत्रको अवलोकन गर्ने भएको छ । ब्रह्मदेवस्थित सीमाक्षेत्रको निरीक्षणका लागि गएको साता वाईसीएलका कार्यकर्ता गएको विरोधमा भारतीय विद्यार्थीहरुले सीमाक्षेत्रमा प्रदर्शन गरेपछि हिजो दिनभर त्यस क्षेत्र तनावग्रंस्त बनेको थियो ।