२ हजार सुरक्षाकर्मी परिचालन

वीरगन्ज, माघ १५ - सात दलले बुधबार यहा“ गर्ने आमसभाका लागि २ हजारभन्दा बढी सुरक्षाकर्मी परिचालन गरिने भएको छ । सभा बिथोल्न जनतान्त्रिक तर्राई मुक्ति मोर्चा, संयुक्त जनतान्त्रिक तर्राई मुक्ति मोर्चा, मधेसी मुक्ति मोर्चालगायतले मंगलबारदेखि बारा, पर्सर्ाा रौतहट बन्दको आह्वान गरेकाले सुरक्षा कडा बनाइएको हो ।
मधेसी जनअधिकार फोरमका अध्यक्ष उपेन्द्र यादवले भने सभा बिथोल्ने खालको गतिविधि नगर्न कार्यकर्तालाई विज्ञप्तिमार्फ आग्रह गरेका छन् । जनकपुरमा शनिबार भएको सभा बिथोल्न फोरम सम्मिलित संयुक्त मधेसी मोर्चाले प्रयास गरेको थियो ।
नेपाल र सशस्त्र प्रहरीका गरी एक हजारभन्दा बढी सुरक्षाकर्मी रहेको वीरगन्जमा त्यति नै संख्यामा सुरक्षाकर्मी थपिने पर्सर्ाा प्रमुख जिल्ला अधिकारी भोला शिवाकोटीले जानकारी दिए । सुरक्षाकर्मी परिचालनका लागि नेपाल प्रहरी र सशस्त्रका अतिरिक्त महानिरीक्षकहरू श्यामसिंह थापा र अमर नेम्बाङ आइसकेका छन् ।
सहरबाहिरबाट सभामा सहभागी हुन आउनेको सुरक्षाका लागि मोबाइल टोली र पिकेटिङको व्यवस्था मिलाइएको पर्सर्ाा प्रहरी उपरीक्षक योगेश्वर रोमखामीले जनाए । उनका अनुसार प्रत्येक प्रहरी इकाइलाई आफ्नो ठाउ“बाट सहभागी हुन जानेसित समन्वय गरी आवश्यक सुरक्षा व्यवस्था मिलाउन भनिएको छ ।