बाघको आक्रमणबाट बालिकाको मृत्यु

दिपायल -डोटी, २१ पुस । बाघको आक्रमणबाट डोटी जिल्लाको काडामाण्डौँ गाविस, वडा नं. ५ धानुकाँडा निवासी नौ वषीया बालिका धना धानुकाको मृत्यु भएको छ । बाख्रा चराउन गएको बेला हिजो दिउँसो बालिकालाई बाघले आक्रमण गरेको उनका बुबा मनगिरी धानुकले बताउनुभयो । बालिकाको लाश आज बिहान फेला परेको थियो । गत साता पनि बबलेक गाविसमा एक बालिकाको बाघको आक्रमणबाट मृत्यु भएको थियो । विगत चार महिनायता काडामाण्डौँ गाविसमा बाघको आक्रमणबाट चार बालिकाको मृत्यु हुनाका साथै ४५ जना घाइते भएका स्थानीय बासिन्दा भरत बोहराले जानकारी दिनुभयो । डोटी जिल्लाको सदरमुकाम सिलगढीदेखि पूवमा पर्ने काडामाण्डौँ, बबलेक, गैरागाउँ गाविसका बासिन्दामा नरभक्षी बाघले आक्रमण गर्दै आएको छ । सो बाघ खप्तड क्षेत्रबाट आएको हुनसक्ने स्थानीय बासिन्दाले बताएका छन् । खप्तड राष्ट्रिय निकुञ्जसँग सीमा जोडिएको उक्त क्षेत्रमा बाघले धेरै अघिदेखि आतङ्क फैलाए पनि सम्बन्धित निकायले भने चासो नदेखाएको स्थानीय बासिन्दाको गुनासो छ । बाघले दिनहुँ आक्रमण गर्न थालेपछि स्थानीय बासिन्दा घाँसदाउराका लागि पनि जङ्गल जान छाडेका छन् ।