भारतद्वारा १२ सय सवारी सहयोग

काठमाडौं, माघ ११ - भारतले उपलब्ध गराएको १ हजार २ सय सवारीसाधन, १४ हजार सञ्चारसेट सरकारले प्राप्त गरेको छ । भारतीय दूतावासले यी सामग्रीको अन्तिम खेप शुक्रबार नेपाल सरकारलाई हस्तान्तरण गरेको छ । शान्ति प्रक्रिया र सरकारी प्रयोजनका लागि भारतले यी साधन उपलब्ध गराएको हो । दूतावासमा आयोजित समारोहमा भारतीय राजदूत शिवशंकर मुखर्जीले गृहमन्त्री कृष्णप्रसाद सिटौलालाई सामग्री हस्तान्तरण गरे ।