क्रान्तिकारीले स्ववियु चुनावमा भाग लिने

काठमाडौं, माघ १५ - माओवादी विद्यार्थी संगठन अखिल -क्रान्तिकारी) ले स्ववियु निर्वाचनमा भाग लिने घोषणा गरेको छ ।
यसअघि असहमति जनाउ“दै आएको क्रान्तिकारीले संगठनको पर्ूण्ा बैठक बसी 'भ्रष्टाचार मुक्त स्ववियुका लागि विद्यार्थी अभियान' नारासहित चुनावमा जाने निर्ण्र्ाागरेको हो ।
उसले निर्वाचन नियमावली संशोधन गरी समानुपातिक प्रणालीमा चुनाव गराउनुपर्ने माग राख्दै आएको थियो ।
'हामी चुनावविरोधी होइनौं,' मंगलबार पत्रकार सम्मेलनमा संगठनको पा“चौं पर्ूण्ा बैठकको निर्ण्र्ाासुनाउ“दै अध्यक्ष लेखनाथ न्यौपानेले भने- 'लोकतान्त्रिक गणतन्त्रको अवस्थामा पुरानो नियमावलीले हाम्रा सबै मुद्दा समेट्न नसक्ने भएकाले मात्र संशोधनको माग राखेका हौं ।'
स्ववियु र संविधानसभाको चुनाव महिना दिनको फरक हुने भएकाले एकसाथ प्रचार अभियान जारी राख्ने उनले जनाए । 'नियमावली संशोधन प्रस्तावको त्रिविले बेवास्ता गरे पनि स्ववियु चुनावलाई अग्रगामी परिवर्तनका रूपमा लिएका छौं,' उनले थपेे- 'यथास्थितिवादविरुद्ध धक्कामूलक रूपमा स्ववियु चुनावमा सहभागी हुने निर्ण्र्ाागरेका छौं ।' गुणस्तरीय शिक्षा र परिवर्तनका लागि स्ववियु निर्वाचनलाई उपयोग गर्ने न्यौपानले जनाए ।
विद्यार्थी संगठनबीच स्वस्थ प्रतिस्पर्धा र व्यवस्थित निर्वाचनका निम्ति अध्यक्ष न्यौपानेको संयोजकत्वमा मूल समितिसमेत गठन गरेको जनाएका छन् ।
त्रिभुवन विश्वविद्यालयले फागुन १६ गते स्ववियु निर्वाचन गर्ने मिति तय गरिसकेको छ । अन्य विद्यार्थी संगठनले देशव्यापी प्रचार-प्रसार अभियान थालेका छन् ।
यसअघि संविधानसभा निर्वाचनलाई असर पार्ने भन्दै स्ववियु निर्वाचन स्थगित गर्न माओवादीले मंगलबार राखेको प्रस्तावलाई अन्य दलले अस्वीकार गरेका थिए । सात दल संयुक्त समन्वय समितिको माओवादी केन्द्रीय कार्यालयमा बसेको बैठकमा अध्यक्ष प्रचण्डले संविधानसभाको तयारीमा लाग्नुपर्ने युवा विद्यार्थी आफ्नै निर्वाचनमा लाग्नु उपयुक्त नहुने उल्लेख गर्दै स्ववियु निर्वाचन रोक्न सात दलसम्बद्ध विद्यार्थी संगठनहरूलाई निर्देशन दिने प्रस्ताव गरेका थिए ।
अन्य दलका नेताहरूले प्रस्तावप्रति असहमति जनाउ“दै शाही कालमा पनि नरोकिएको स्ववियु निर्वाचन रोक्न नहुने अडान राखेका थिए ।
स्ववियु निर्वाचनको कार्यक्रम प्रकाशित भइसकेको र सात दलसम्बद्ध विद्यार्थी संगठनहरूले मित्रवत् प्रतिस्पर्धाको घोषणा गरिसकेको उल्लेख गर्दै उनीहरूले त्यस विषयमा कुनै निर्ण्र्ााआवश्यक नभएको बताए ।