चुनाव चैत २८ गते

सरकारले संविधानसभाको चुनाव चैत २८ गते तोकेको छ ।
मन्त्री परिषदको बैठकले संविधानसभा चुनाव चैत २८ गते गर्ने निर्णय गरेको छ । प्रधानमन्त्री कार्यलय सिंहदरवारमा चैत २७ गते भएको मन्त्री परिषदको बैठकले चुनाव मुलुकभरी एकै चरणमा गर्ने निर्णय गरेको गृहमन्त्री कृष्णप्रसाद सिटौलाले बताए । सिटौलाले चुनावका लागि सरकारले शान्तिसुरक्षा लगायत सबै बन्दोवस्त मिलाउने र तोकिएको मितिमै चुनाव हुने पनि उल्लेख गरे ।
मन्त्री परिषदको बैठकले तराईका जिल्लामा प्रमुख जिल्ला अधिकारी बन्न चाहने मधेशी मूलका प्रथम श्रेणीका सरकारी कर्मचारीलाई प्राथमिकतासाथ त्यो अवशर दिने पनि सहमति गरेको गृहमन्त्री सिटौलाले जानकारी दिए ।
मन्त्री परिषदको बैठक बस्नुअघि सिंहदरवार प्रधानमन्त्री कार्यलयमा पुष २६ गते नियुक्त तीन मन्त्री र पाँच राज्यमन्त्रीहरुलाई प्रधानमन्त्री गिरिजाप्रसाद कोइरालाले सपथ खुवाएका थिए । मन्त्री परिषदको आजको बैठकमा नवनियुक्त मन्त्रीहरु पनि सहभागि थिए ।